रोजगारीको लागि दुबै पुगेका सल्यानका जनक बिक सम्पर्क बिहिन (भिडियोसहित)

१७ मंसिर २०८०/सडक संचार

सल्यान – सारदा नगरपालिका-१ सल्यानका २५ बर्सिए जनक बिक सम्पर्क विहिन भएका छन । गत कात्तिक २५ गते विहान १० बजेसम्म सम्पर्कमा रहेका जनक त्यसपछि आजसम्म सम्पर्कमा नआएको दिदी बिमला बिकले सडक संचारलाई बताइन ।

उनीका अनुसार जनकले कार्तिक २५ गते बिहान फोन गरेर आज हाम्रो बिदा छ हामी साथीहरु घुम्न जान्छौं भनेर खबर गरेका थिए । जनकले मलाई कार्तिक २५ गते बिहान करिब १० बजे फोन गरेर आज हामी घुम्न जान्छौं बेलुका ४ बजे अनलाइनमा आउनु कुरा गरौंला भनेको पनि श्रीमती सपना बिकले बताइन। त्यसपछि म बेलुका ४ बजे अनलाइन आए र श्रीमान कति बेला आउनुहुन्छ भनेर पर्खेर बसे तर उहाँ अनलाइन आउनु भएन । केही दिनसम्म त मोबाइलमा डाटा सकियो होला त्यसैले अनलाइन नआउनु भएको होला भनेर परिवारले त्यति चासो नदिएको पनि सपनाले बताइन । करिब १ हप्ता समय बितेपछी परिवारमा धेरै आशंका हुन थाल्यो, अनि खोज्न तिर लागेको दिदी बिमलाले बताइन ।

सपना र बिमलाले एजेन्टलाई जनकको खोजि गरिदिन धेरै अनुरोध गरेको बताइन । एजेन्टले सहयोग गर्नुको साटो उल्टै थर्काएको गुनासो उनीहरुको थियो। धेरै नै मरिहत्ते गरेपछि बल्लतल्ल एजेन्टले जनक संगै बस्ने साथीको नम्बर दिएपछि हामीले उसलाई कल गरेपछि मात्रै जनक हराएको एकिन भयो ।

ती साथीले भनेपछी मात्रै एउटै कोठामा बस्ने करिब ७-८ जना साथीहरु मध्ये जनकको परिवार संग कुरा गर्ने साथीबाहेक जनकसहित अन्य ७ जना साथीहरु संगै घुम्न गएको खबर हामीलाई प्राप्त भयो। ती साथीहरु पनि एकैपटक नभै पटकपटक गरि कोठामा पुगेको पनि उनले हामीलाई जानकारी गराए, बिमलाले भनिन ।

त्यति मात्रै होइन जनकको मोबाइल, कम्पनीमा काम गर्ने आइडी कार्डसमेत ती साथीहरुले ल्याइदिएका रहेछन, जो साथीहरु जनकसंगै घुम्न गए उनीहरुसंग कुरा गर्न धेरै प्रयास गर्दा पनि उनीहरुले सम्पर्क नै गर्न नखोजेको बिमलाले बताइन । जनकको घरमा बुढाबुढी आमाबुबा, ८ महिनाको छोरा र श्रीमती छन । जनक हराएको खबरले सबै चिन्तित भएको सपनाले बताइन । खोज तल्लास गर्न त्यति पहुँच नभएकोले सबैलाई सहयोग गर्न पनि आग्रह गरेकी छिन ।
संगै घुम्न गएका साथीहरु सबै फर्किनु र उनीहरुले नै जनकको मोबाइल, कार्ड ल्याइदिनुले घटना थप संकास्पद देखिन्छ । जनकलाई जसरी लनि सम्पर्कमा ल्याइदिनु पर्‍यो भनेपछि सडक सचारबाट जनककी श्रीमती र दिदिलाई सिधा फोन गरि घटनाको विस्तृत जानकारी लिएका छौँ ।

बाँकी भिडियो बाट
Video Link – https://youtu.be/8uWvk5aHSAM?si=qeA-A1K_ma2V0g_9
Presenter – Kul Bahadur Oli
Guest – Bimala bk sapana bk
#sadaksanchar #kulbahaduroli #ashokbhandari #janakbklostcase #janakbk_lost_in_dubai #saradasalyan